Білімі мен өнері бірге ұштасқан жас ақын……

Мемлекеттік тілдің мәртебесін арттыру, тіл мәдениетін көтеру, поэзияның дамуына ықпал ету, жас ақындардың шығармашылығына қолдау көрсету, әрі ұлттық рухани құндылықтар – төл өнерімізге, оның ішінде шешендік, ақындық өнерге деген қабілеттерін шыңдау мақсатында, «Қостанай қаласы әкімдігінің мәдениет және тілдерді дамыту бөлімі» ММ 2024 жылдың 10 қыркүйегінде                   16-35 жас аралығында шығармашыл,  жас ақындар арасында «Қазақ руханиятының көсемі»  атты қалалық жыр байқауын өткізді. Аталған іс-шараға ҚР ІІМ Ш.Қабылбаев атындағы Қостанай академиясының кәсіби даярлық факультетінің 2 курс курсанты полиция кіші сержанты Досбол Смайлов                            мемлекет және қоғам қайраткері, ұлы қазақ жазушысы, ағартушы-педагог А.Байтұрсынұлына бір арнау және Қостанай қаласының  145 жылдығына арнап – Қостанай туралы өлеңін көрермендерге паш етті. Қазылар алқасының қорытындысы бойынша полиция кіші сержанты Досбол Смайлов байқауға қатысып,  жүлделі 3 орынға ие болды. Өнерің өрге өрлесін!