Курсанттардың ғылыми-зерттеу жұмысының негізгі нысандарының бірі - ғылыми үйірмелердің жұмысына қатысу болып табылады. Ғылыми үйірмелер оқытылатын пәндер бойынша білімдерін тереңдету, курсанттарға өзіндік ғылыми  зерттеу жұмысының дағдыларын үйрету, талдамалық қабілеттерін дамыту мақсатында құрылады. «Сақшы-На страже» ғылыми үйірмесін жандандыру мақсатында жедел-іздестіру қызметі кафедрасының, ғылыми-жұмыс және редакциялық  баспа жұмысын ұйымдастыру бөлімі қызметкерлері курсанттар арасынан үйірме мүшелерін, хатшыны және төрағаны тағайындады. Кафедра бастығының орынбасары полиция подполковнигі Ермек Беркишев ғылыми үйірмеге мүшелікке қабылданып отырған курсанттарға алғыс білдіріліп, кафедраның әр қызметкерінің курсанттарға жетекшілік ету жұмысына белсене қатысуға шақырып, шығармашылық табыс тілейтінін атап өтті.