Қылмыстық-атқару құқығы кафедрасының оқытушысы полиция майоры И.Овчинникова Қостанай қаласының пробация қызметінің аға инспекторы әділет майоры М.Токмагамбетовамен бірлесіп, алғашқы кәсіптік даярлық курсының 22-оқу тобының тыңдаушыларымен «Кәсіптік даярлық» курсы бойынша практикалық сабақ өткізді. Сабақ барысында Макпал Еркановна тыңдаушылармен өзінің тәжірибесімен бөлісіп, пробация қызметінің жас қызметкерлері тәжірибеде қандай қиындықтарға тап болатыны туралы айтты. Сондай-ақ қызметкерлер пробация қызметінің қызметін реттейтін нормативтік-құқықтық базаны жетік меңгеруі, сондай-ақ өз жұмысында ақпараттық базаларды пайдалана білуі тиіс екендігіне баса назар аударды.