Қазақстан Республикасы Ішкі істер министрлігінің Шырақбек Қабылбаев атындағы Қостанай академиясына жыл сайын алғашқы кәсіби даярлық курсынан өту үшін республиканың түкпір-түкпірінен тыңдаушылар келеді. Жалпы Қостанай академиясы алғашқы кәсіби даярлық курстарына тыңдаушыларды жылына төрт рет қабылдайды. Ішкі істер органдарының болашақ қызметкерлері екі ай бойы атыс, арнайы-тактикалық, психологиялық, жауынгерлік, дене шынықтыру, кәсіби және саптық даярлықтардан өтеді, сонымен қатар тәрбиелік бағытта іс-шаралар жиі ұйымдастырылып тұрады. Олар музей, театр, кітапханаларға барып, спортпен шұғылданады және Академиямыздың іс-шараларына белсене қатысады. Оқу орнымызда тыңдаушылардың білімдерін жетілдіріп, жайлы жатып, жақсы тұруларына барлық жағдай жасалған.