Ғылыми үйірме жұмысының негізгі нысаны практикалық қызметкерлермен кездесулер ұйымдастырылатын отырыс болып табылады. Жедел-іздестіру қызметі кафедрасының «Сақшы-На страже» ғылыми үйірмесі курсанттарының ғылыми-зерттеу жұмысының жоспарына сәйкес, үйірме мүшелері практикалық қызметкерлермен кездесті. Кездесуге Атырау облысы Полиция департаментінің тәрбие және кадр жұмысы басқармасының инспекторы полиция подполковнигі Айгерим Байжикенова, Түркістан облысы Полиция департаментінің тәрбие және кадр жұмысы басқармасының аға инспекторы полиция майоры Нурсултан Туймебаев және Лисаков қаласы Полиция бөлімінің кадр саясаты тобының инспекторы полиция капитаны Қымбат Тулеуова қатысты. Кездесу барысында қонақтар курсанттарға адамның және азаматтың құқықтары жайында әңгімеледі және табандылыққа, шыншыл болуға шақырды. Өз кезегінде курсанттар қонақтарға алғыстарын білдіріп, нысанды киім–кешекті құрметпен және абыроймен киіп жүруге, оны киіп жүру қағидаларын қатаң сақтайтындықтарын мақтанышпен айтты.