Халықаралық әйелдер күні қарсаңында ҚР ІІМ Шырақбек Қабылбаев атындағы Қостанай академиясында салтанатты іс-шара өтті. Академия бастығының міндетін атқарушы, полиция полковнигі Ахан Нурушев оқу ордамыздың нәзік жандарына құттықтау сөз сөйлеп, ҚР ІІМ министрі Ержан Сәденовтың мерекелік жеделхатын оқыды. Мереке құрметіне ерекше көзге түскен қызметкерлерді салтанатты түрде марапаттау рәсімі өтті. Қызметінде жақсы көрсеткіштерге ие болған жандар Ішкі істер министрлігі тарапынан марапатталды. Жоғары білімнен кейінгі білім беру факультетінің аға оқытушы-әдіскері, полиция капитаны Динара Есіргепова «Құқық тәртібін қамтамасыз етуге қосқан үлесі үшін» медалiмен, қылмыстық-атқару құқығы кафедрасының аға оқытушысы, полиция подполковнигі Анара Уалиева «Ішкі істер органдарының үздігі» төсбелгiсiмен, педагогика және психология кафедрасы бастығының орынбасары, полиция майоры Жанна Руденко ІІМ Құрмет грамотасымен, ғылыми-зерттеу және редакциялық-баспа жұмысын ұйымдастыру бөлімінің ғылыми қызметкері, полиция капитаны Ольга Довгань ІІМ Алғыс хатымен марапатталды. Бұл күні ішкі істер органдарының 12 ардагер, сондай-ақ бірқатар ару жандар Академия басшылығының атынан құрмет грамоталары мен алғыс хаттарына ие болды. Іс-шара соңы, мерекелік концертке ұласты. Ер адамдар қауымы абзал жандарды құттықтай отыра, тамаша сый құрмет көрсетті.