ІІМ Қостанай академиясының қызметкерлері Қостанай қаласындағы Б.Момышұлы атындағы №5 кадет мектебінің оқушылары үшін іс-шара өткізді. Іс-шара аясында дене шынықтыру даярлығы кафедрасы 1-курс курсанттарымен жауынгерлік самбо, дзюдо, қоян-қолтық ұрыс бойынша спортшылардың көрсетілімін көрсетті. Тактикалық-арнайы даярлық кафедрасының доценті полиция подполковнигі Р. Аужанов ІІМ Қостанай академиясына оқуға түсу шарттарын түсіндіріп, ЖОО туралы ақпараты бар буклеттер таратты. Сондай-ақ Академияда 2021 жылы қызметтік міндеттерін атқару кезінде қаза тапқан Ғ.Байтасов пен Д. Базарбаев атындағы атаулы аудиториялар ашылғанын айтты. Аталған аудиторияларда курсанттар мен тыңдаушылар үшін «Әкімшілік-құқықтық қызмет» оқыту бағыты бойынша сабақтар өткізіледі. Сонымен қатар, іс-шара барысында Академия өкілдері «Жас сарбаз» сынып оқушыларына атақ беріп, салтанатты шеруге қатысты. Іс-шараны имидждік жұмыс және ішкі коммуникациялар бөлімі ұйымдастырды.