ҚР ІІМ Шырақбек Қабылбаев атындағы Қостанай академиясында Наурыз мейрамының құрметіне «Әз Наурыз» мерекелік фестивалі кеңінен аталып өтті. Театрландырылған бағдарламада Әйтеке би, Төле би, Қазыбек би атындағы үш этно ауыл ұйымдастырылды. Ауыл тұрғындары ән айту өнерлерін, ойын сайыстарында - күш пен ептіліктерін, би нөмірлерінде -  икемділік пен сымбаттылықтарын, ұлттық тағамдардың жасалуында талғамы мен талғампаздығын көрсетуге бар күштерін аямай салды. Фестивальдегі бәсекелестік рух тез арада бірлік, достық, қонақжайлылық және өзара түсіністік атмосферасына ауысып, мерекеге қатысушылардың барлығын тамаша көңіл-күйге бөледі.