Денсаулық сақтау вице-министрі Жандос Бүркітбаев пен Ғылым және жоғары білім вице-министрі Ахмед-Заки Дархан Қазақстан Республикасы ІІМ Шырақбек Қабылбаев атындағы Қостанай академиясына жұмыс іссапарымен келді. Су тасқыны жағдайының алғашқы күндерінен бастап аймақтағы ЖОО-да азаматтарды уақытша орналастыру үшін эвакуациялық пункт жұмыс істеп жатыр. Академия бастығы полиция генерал-майоры Ақынқали Дәрменов министрліктердің өкілдерін бір мезетте баспанасыз, мүліксіз қалған тұрғындармен кездестірді. Олар су тасқынынан зардап шеккен азаматтардан тұрмыстарын, азық-түліктерін және денсаулық жағдайларын сұрап, олардың сұрақтарына жауап берді.