Бір минут үнсіздікпен Қостанай академиясының бұрынғы қызметкері Айнаш Омарованы еске алды. Ол өмірінің төрттен бір бөлігін Қостанай академиясындағы сүйікті ісіне арнап, ЖОО кітапханасының жұмысын ұйымдастыруға елеулі үлес қосты. Іс- шараға Айнаш Әлиханқызының жұбайы Ғалым Омаров қатысты. Жан жарын еске алу үшін ол «Жизнь Айнаш – это духовный подвиг» кітабын шығарды, оның бірнеше даналарын оқу орнына ұсынды. Қостанай академиясының бастығы полиция генерал-майоры Ақынқали Дәрменов Айнаш Омарованың жақындары мен туыстарына көңіл айтып, Ғалым Омаровқа оқу ордамызға көрсеткен зейіні, отбасылық құндылықтарға деген адал көзқарасы үшін алғысын білдірді, бұл өскелең ұрпақ үшін тамаша үлгі болып табылады.