«Естіуші мемлекет» тұжырымдамасының жүзеге асырылуы азаматтық қоғамның белсенділігіне және оның маңызды шешімдерді қабылдау процесіне қатысуына тікелей байланысты. Осы тұрғыда Қостанай академиясында ата-аналар комитетінің өкілдерімен кездесу өтті, онда кәсіби даярлық факультетінің 1 курс курсанттарының өмірін жақсарту туралы өзекті мәселелер талқыланды. Қостанай академиясының бастығы полиция генерал-майоры Ақынқали Дәрменов бастаған жиын сындарлы жағдайда өтті. Оқу үдерісін ұйымдастыру, тамақтану, медициналық қызмет көрсету және курсанттардың академияда жайлы тұруына әсер ететін басқа да аспектілер бойынша ата-аналардың пікірлері мен ұсыныстары тыңдалды. Білім алушылардың оқуы мен тұрмыс жағдайын жақсарту бойынша нақты қадамдар жасалуы жоспарлануда. Ата-аналар тілдесу мүмкіндігі үшін алғыстарын білдірді және Академия басшылығымен одан әрі сындарлы өзара әрекеттесуге үміт білдірді.