Отан қорғаушылар күні мен Жеңіс күні мерекелері құрметіне Қазақстан Республикасы ІІМ Шырақбек Қабылбаев атындағы Қостанай академиясында жеке құрам мен ауыспалы құрамның салтанатты сапқа тұруы өтті. Іс-шараға Қостанай аудан әкімі Берік Таңжарықов қатысты. Оқу ордасының ардагерлерін, қызметкерлері мен курсанттарын Академия бастығы полиция генерал-майоры Ақынқали Дәрменов құттықтады. Іс-шара барысында қызметтік міндеттерін адал атқарып, қоғамдық өмірге белсене қатысқаны үшін бірқатар қызметкерлерге Ішкі істер министрінің мерзімінен бұрын арнайы атағы және ҚР ІІМ үздігі берілді. Қостанай ауданы әкімінің, Қостанай академиясы бастығының құқығымен ІІО ардагерлері, Академия қызметкерлері мен курсанттары грамота, алғыс хаттармен марапатталды.