Көркем әдебиетті насихаттау және курсанттарды кітап оқуға баулу мақсатында Академия кітапханасында «Әдебиет толқынында» атты әдеби клубы құрылды. Әдеби клубтың ережесіне сәйкес клуб өз жұмысын жүзеге асырады. «Әдебиет толқынында» әдеби клубтың жұмыс жоспары мен өзіндік эмблемасы бар. 2024 жылдың 5 маусымында клубтың бірінші кеңейтілген отырысы өтті, оны клубтың ұйымдастыру комитеті, кітапхананың ең белсенді оқырмандары, сонымен қатар 108 взвод курсанттары өткізді. «Әдебиет толқынында» әдеби клубының алғашқы отырысы Шерхан Мұртазаның «Қызыл жебе» кітабының тұсаукесеріне арналды. Клубтың ұйымдастыру комитетінің мүшелері З.Мұратова, А. Сурағанова Ш.Мұртазаның өмірі мен шығармашылығы туралы бейнематериалдар, сонымен қатар «Қызыл жебе» романының жазылу тарихы туралы мәліметтер дайындады. С.Нұргүл жиналғандарды романның қысқаша мазмұнымен таныстырып, оқырмандар назарын кейіпкердің балалық шағы мен отбасы тәрбиесінің маңызды сәттеріне, Т.Рысқұлов кейіпкерінің қалыптасуы мен қоғамдық іс-әрекетіне не әсер еткеніне, осы арқылы XX ғасырдың бірінші жартысындағы адамдардың тағдырын көрсетті. Баян-Сұлу Салмурзаева мен Адина Сұрағанова курсанттарымыз романнан үзінді орындап, шығарманың басты кейіпкерлерінің арасындағы диалогты сезіммен тыңдады. «Қызыл жебе» романы туралы әңгімелер 1 курс курсанты Д.Смайловтың орындауында домбыра әуенімен қосылды. Ш.Мұртазаның «Қызыл жебе» кітабы тұсаукесерінің қорытындысын үйірме жетекшісі, әдебиет пәнінің мұғалімі А.Манатова қорытындылады. Әдеби клубтың кеңейтілген отырысының соңында, кітапханашы Қ.Арғынғазина жиналғандарды 2024-2025 оқу жылына арналған клуб отырыстарында жоспарланған іс-шаралардың тақырыптарымен таныстырды, сондай-ақ курсанттарды сан алуан көркем әдебиеттерді оқуға, әдеби клуб жұмысына белсенді қатысуға шақырды.