Түлектер форумы

Бүгін ҚР ІІМ Шырақбек Қабылбаев атындағы Қостанай академиясында алғаш рет Түлектер форумы болып өтті. Жан-жақтан  оқу ордамызға Академияда әр түрлі жылдары  білім алған  түлектер келді.  Оларды Қостанай Академиясының бастығы полиция генерал-майоры Ақынқали Дәрменов жылы қарсы алды. Академия түлектерінің атынан Қостанай облысы бойынша Полиция департаментінің бастығы полиция генерал-майоры  Ерлан Файзуллин ризашылық білдірді.  Іс-шараның ресми бөлімінен кейін түлектер Академияның ішін аралап, оқу кабинеттеріне кіріп шықты, концерттік бағдарлама тамашалады,  асханададан  курсанттық дәм татты.

Енді дәстүрге бай Академияда тағы бір жаңалық орын алды:  биылдан бастап Түлектер форумы жыл сайын шілденің әр үшінші сенбісінде өтеді.