Қостанай облысының әскери-патриоттық клубтарының слеті

Қостанай облысының әскери-патриоттық клубтарының слеті аяқталды. Жеңімпаздар лайықты медальдармен және грамоталармен марапатталды.

Бірінші күні қатысушылар лагерь тікті. Олар шатырларда түнеп, от жағып, тамақ дайындап, түрлі жарыстарға қатысты. Слетте өткізілген үш күн ішінде барлық қатысушылар бір-бірімен жақын танысып, достығы нығая түсті. Академия курсанттарының тәжірибелі командасы жас балаларға тәлімгер болды. Іс-шараға қатысушылар жыл сайын кездесуге ниет білдірді.

Жалпы есепте 1-орынды «Патриот» клубы, екінші орынды «Арыстан» командасы, үшінші орынды «Академия» командасы иеленді.