«Абай әлемі» атты кітап көрмесі

Қазақстан Республикасы ІМ Ш.Қабылбаев атындағы Қостанай академиясының кітапхана қызметкерлері кітапхананың оқу залында қазақ әдеби тілінің негізін қалаушы, ұлы ойшыл, ақын, қоғам қайраткері Абай Құнанбаевтың күніне арналған «Абай әлемі» атты кітап көрмесін ұйымдастырды.

Кітап көрмесінің мақсаты – Абай өлеңдерін өнеге тұтып, жастарды жан-жақты білімді болуға талпындыру.  Абай өз заманының перзенті ретінде сол дәуір дайындаған көлемде ұлан-ғайыр еңбек етті. Кемеңгер Абай өлеңді сөздің патшасы, сөз сарасы деп бағалады. Оның «Ескендір» мен «Масғұт» дастан-поэмалары шығармашылық тәрбиесімен жазылған. Ал қара сөздерінде адамды ақылды, талапты, қайратты болуға шақырды. Яғни, көрмеде Абай Құнанбаевтың шығармалары, өлеңдер мен қарасөздер жинағы, өмірі туралы зерттеу кітаптар жинақталған.

Абай Құнанбаев 1904 жылы туған жерінде қайтыс болып, сүйегі Жидебай деген жерге қойылды. Бүгінде Жидебай – ақын өмірімен танысуда кең мағлұмат беретін әдеби-мемориалдық мұражай болып қызмет етуде.