Курсанттармен кездесу

Қостанай облысы әкімдігінің Қоғамдық даму басқармасы іске асыратын «Қостанай облысында этносаралық қатынастар саласын дамыту жөніндегі іс-шаралар кешенін ұйымдастыру» жобасы аясында «Қоғамдық келісім» КММ басшысының орынбасары Айнұр Оразбаева академия курсанттарымен кездесу өткізді. Кездесуде этносаралық қатынастардың маңызды аспектілері, соның ішінде әртүрлі этникалық топтар арасындағы өзара түсіністік пен құрмет қажеттілігі талқыланды. Айнұр Азырханқызы мұндай бастамалар әлеуметтік бірлікті нығайтуға және өңірдегі тұрақтылықты қамтамасыз етуге көмектесетінін атап өтті.