Жыл сайынғы үздіктердің V слёті

ІІМ Қостанай академиясында дәстүрге айналған жыл сайынғы үздіктердің V слёті өтті.  Іс-шараның қонақтары Қазақстан Республикасының Президенті Қасым-Жомарт Тоқаев пен Ішкі істер министрінің қолынан алғаш рет офицерлік погондарды алған үздік түлектер болды. Слёт қатысушыларына Академия бастығының міндетін атқарушы полиция подполковнигі Сейлхан Жолдаскалиев құттықтау сөз сөйледі. Үздік курсанттар жаңа білім мен идеяларды қалыптастыруға, инновациялық өзгерістер жасауға, өз ісінің нағыз майталманы болатынына сенім білдірді. Слёттің ең тамаша бөлігі-оқу үздіктерін марапаттау рәсімі. Оқудың бірінші жылында оқуда үздік нәтиже көрсеткен 2 курс курсанттары академияның ғылыми, спорттық, жалпы қоғамдық өмірінде өздерін белсенділік танытты. Әрбір курсант келесі оқу жылында марапатталған оқу озаттарының орнында болуды армандады.