«Мамандығы бойынша үздік» байқауы.

«Мамандығы бойынша үздік» байқауы. Төртінші күн.

Ішкі істер органдарының қызметкерлері арасында «Мамандығы бойынша үздік» республикалық байқауы аяқталды. Бүгін жеңімпаздарды салтанатты  түрде марапаттау рәсімі өтті. Марапаттарды ҚР ІІМ Әкімшілік полиция комитетінің төрағасы, полиция полковнигі Қайсар Сұлтанбаев табыстады. Ол аталмыш байқаудың қатысушыларына арналған сөзінде ішкі істер қызметкерлерінің  ерен еңбектерінің  маңыздылығын ерекше атап өтті .

Конкурс нәтижелері бойынша:

- «Үздік учаскелік полиция инспекторы» номинациясы бойынша 1-орынды Батыс Қазақстан облысы ПД Орал қаласы Полиция басқармасының учаскелік полиция инспекторы, полиция подполковнигі Юрий Полунин иеленді.  

- «Кәмелетке толмағандардың істері жөніндегі үздік учаскелік полиция инспекторы» номинациясында Қостанай облысы ПД Қостанай қаласы Полиция басқармасының кәмелетке толмағандардың істері жөніндегі полицияның аға учаскелік инспекторы Данагуль Каримоваға полиция майоры атағы мерзімінен бұрын берілді.

- «Үздік патрульдік полицей» номинациясында 1-орынды Қостанай облысы ПД Қостанай қаласы Полиция басқармасының патрульдік полиция батальоны қызметінің аға инспекторы, полиция капитаны Талгат Аулабаев жеңіп алды.

Екінші және үшінші орындардың иегерлеріне Қазақстан Республикасы Ішкі істер министрлігінің Құрмет грамоталары табыс етілді. Байқаудың барлық қатысушылары ІІМ грамоталарымен марапатталды.

ІІМ Қостанай академиясының бастығы, полиция генерал-майоры Ақынқали Дәрменов «Мамандығы бойынша үздік» байқауына қатысушыларды және іс-шараны ұйымдастырушыларды  құттықтап, оларға алғыс білдірді.