Сертификаттар табыс етілді

ІІМ Қостанай академиясында ішкі істер органдары (ІІО) және қылмыстық-атқару жүйесі (ҚАЖ) қызметкерлерінің біліктілігін арттыру курстары сәтті аяқталды. Білікті арттыру аясында қатысушылар заңнамадағы соңғы өзгерістермен танысты, сонымен қатар олардың жұмысының тиімділігі мен көрсетілетін қызметтердің сапасын арттыруға мүмкіндік беретін кәсіби дағдыларын жетілдірді. Курстар құқық қорғау органдары жұмысының негізгі аспектілерін, соның ішінде құқықтық сауаттылықты, жоғары жүктелім жағдайында жұмысты ұйымдастыруды және т.б. қамтитын теориялық және практикалық бөлімдерді қамтыды. Оқыту жоғары білікті мамандардың жетекшілігімен өтті. Баршаңызды курстың сәтті аяқталуымен құттықтаймыз және белсенді қатысқандарыңыз үшін алғыс айтамыз!