Тәлімгерлер кеңесінің алғашқы отырысы

ІІМ Қостанай академиясында Тәлімгерлер кеңесінің алғашқы отырысы өтті, онда ішкі істер органдарының ардагерлері оқу орнының жас қызметкерлерімен кездесті. Іс-шараға Академия басшылығы мен Тәлімгерлер кеңесінің мүшелері қатысты. Бұл кездесудің басты мақсаты – жас қызметкерлердің кәсіби шыңдалуына көмектесу, отансүйгіштікке баулу, жас полицейлерді Қазақстан Республикасы халқына аянбай қызмет етуге ынталандыру. Кездесу барысында тәлімгерлер жас мамандарға өздерінің өмір жолдарын, қызметтің қыр-сырларын айтып берді. Академияның Тәлімгерлер кеңесінің төрайымы, отставкадағы полиция полковнигі Б.Құрманғалиева қызметтік тәртіп пен заңдылықты қатаң сақтау қажеттігін айта келе, құқықтық тәртіп қорғаушының қызметтік жолында кәсіби борыш, ар-намыс пен абырой басты моральдық бағыт екенін атап өтті.