Спортшыларымызды жеңістерімен құттықтаймыз!

Наурыздың 15-нен бастап 18-не дейінгі аралықта Шымкент қаласында 2005-2006 жылдары туған жастар арасында спорттық және жауынгерлік самбодан Қазақстан Республикасының чемпионаты өтті. Қостанай облысы құрамасының құрамында чемпионатқа Академияның 20 курсанты қатысты. Жарыс қорытындысы бойынша 6 курсант жүлделі орындарға ие болды.

3 орын: Эльдар Ермеков, Қалдыхан Дінмұхаммед, Дильназ Ғалиаскар, Бансұлу Салмурзаева.

2 орын: Елжан Сандибекұлы.

1 орын Төлеубай Арай - самбодан ҚР спорт шебері нормативін орындап, Азия чемпионаты мен әлем чемпионатына жолдама алды. Жүлделі орын алған спортшыларымыз ашық Еуропа Кубогына қатысу құқығын жеңіп алды. Команданы Қостанай академиясы дене шынықтыру даярлығы кафедрасының доценті полиция подполковнигі Ержан Қабидуллинов дайындады. Қостанай академиясында жеңіспен оралған курсанттарды Академия бастығы, полиция генерал-майоры Ақынқали Дәрменов құттықтап, жоғары жетістіктері үшін ризашылығын білдірді.