Қостанай қаласына жұмыс сапары аясында Қазақстан Республикасының Ұлттық ұланы Бас қолбасшысының орынбасары, генерал-майор Абжанов Бауржан Садықұлы Қостанай академиясының бастығымен кездесу өткізді.

Кездесу барысында киберқауіпсіздік кафедрасының жетістіктері мен қызмет бағыттары таныстырылып, оқу үдерісінде қолданылатын заманауи технологиялар мен әдістемелер көрсетілді.

Тараптар оқу үдерісінің тиімділігін арттыруға, ғылыми зерттеулерді дамытуға және киберқауіпсіздік пен ақпараттық технологиялар саласында мамандар даярлау жүйесін жетілдіруге бағытталған бірлескен жобаларды жүзеге асыру мүмкіндіктерін талқылады.