Қазіргі замандағы өзекті мәселелер

ІІМ Қостанай академиясында  қоғамның ең өзекті мәселелерінің бірі – гендерлік теңдік пен адам құқықтарына арналған кездесу өтті. Іс-шара алғашқы кәсіби даярлық тыңдаушыларының білімін кеңейту, сондай-ақ адамның қадір-қасиетін құрметтеуге және кемсітпеу қағидаттарына негізделген кәсіби құндылықтарын қалыптастыру мақсатында ұйымдастырылды. Кездесу барысында тыңдаушылар алдында ҚР Ұлттық алдын алу тетігінің Қостанай тобының жетекшісі, «Дамыту» қоғамдық қорының басшысы Нина Борисовна Косюк сөз сөйледі. Н.Борисовна адам құқықтарын құрметтеу мәдениетін қалыптастыру – мемлекеттік құрылымдар мен азаматтық қоғамның бірлескен күш-жігерін талап ететін ұзақ әрі қажетті процесс екенін атап өтті. Сондай-ақ Қостанай қ. Полиция басқармасының Қоғамдық қауіпсіздік басқармасы жанындағы отбасылық-тұрмыстық зорлық-зомбылықпен күрес бөлімшесінің аға инспекторы полиция аға лейтенанты Калина Миртаевна Кабденова гендерлік белгі бойынша жасалатын зорлық-зомбылық мәселесіне ерекше назар аудара отырып, мұндай санаттағы азаматтармен жұмыс істеуде кәсіби сезімталдық пен жауапкершіліктің қажеттілігін атап өтті. Бұл кездесу жас полиция қызметкерлерінің барлық азаматтардың тең құқықтарын, қауіпсіздігін және әділ қарым-қатынасты қамтамасыз ету міндеттерін терең түсінуін қалыптастыру жолындағы маңызды қадам болды.