Ғылыми – әдістемелік базаның ашылуы

ІІМ Қостанай академиясында академик Зұлқарнай Алдамжар атындағы Қостанай әлеуметтік-техникалық университетінің «Құқық» кафедрасының студенттері мен магистранттарына арналған ғылыми-әдістемелік базаның ашылу салтанаты өтті.

Іс-шараның мақсаты – ғылым мен жоғары білімнің ықпалдастығын нығайту, «Құқық» бағыты бойынша мамандарды сапалы даярлау, студенттер мен магистранттарды әдістемелік тұрғыда қолдау, сондай-ақ басым ғылыми бағыттар бойынша бірлескен зерттеулер жүргізу болып табылады. Аталған бастама Қазақстан Республикасы ІІМ Шырақбек Қабылбаев атындағы Қостанай академиясы мен академик З. Алдамжар атындағы ҚӘТУ-дың ғылыми және инновациялық әлеуетін тиімді пайдалануға бағытталған.