Кітапхана қоры оқу құралдарымен толықтырылады

ЖББ кафедрасының оқытушылары 2025–2026 оқу жылы ішінде дайындалған оқу құралдарын Академияның кітапхана қорына табыстады. Сыйға берілген «Курс лекций по истории Казахстана» (авторы: Аргимбаев Т.Е.), «Кәсіби қазақ тілі пәні бойынша оқуға арналған мәтіндер жинағы» (авторы: Тулкинбаев Н.А.), «Қазақ тілі пәні бойынша жаттығулар жинағы» (авторы: Макатова А.А.) және «Ағылшын тілі» (А1–А2 деңгейі) (авторы: Қуанышбаева М.Т.) кітаптары білім беру үдерісін заманауи оқу әдебиеттерімен қамтамасыз етуге және курсанттарды даярлау сапасын арттыруға бағытталған.

Табыс етілген оқу құралдары гуманитарлық және тілдік цикл пәндерін қамтиды, өзекті теориялық материалдарды, практикалық тапсырмаларды, әдістемелік ұсынымдарды қамтып, оқу үдерісін ұйымдастырудың заманауи талаптарын көрсетеді.

Кітапхана қорын авторлық оқу басылымдарымен толықтыру Академияның ғылыми-әдістемелік қызметінің маңызды бағыттарының бірі болып табылады және білім беру ортасын дамытуға, білім алушыларды қажетті оқу ресурстарымен қамтамасыз етуге, сондай-ақ ғылыми-зерттеу жұмыстарын қолдауға ықпал етеді.

Сонымен қатар, кафедра оқытушылары мәдениеттану пәні бойынша оқулықтарды (қазақ және орыс тілдерінде) кітапханаға табыстады. Аталған басылымдар білім беру үдерісінде пайдаланылып, курсанттардың мәдениет, тарих және қоғамның рухани құндылықтары саласындағы білімдерін кеңейтуге көмектеседі.

Кітапхана қызметкерлері авторларға Академияның оқу-әдістемелік қамтамасыз етілуін дамытуға қосқан үлесі үшін алғыс білдіріп, заманауи кітапхана қорын қалыптастырудағы алдағы ынтымақтастықтың маңыздылығын атап өтті.