Із кезуші ғылымы

2016 жылдың 27 сәуірінде кафедра апталығы аясында қылмыстық іс жүргізу және криминалистика кафедрасымен күндізгі оқыту факультетінің 3 курсы 301-304 оқу топтарының арасында кафедрамен оқытылатын оқу пәндері бойынша білімдерін сынауда білім сайысы өткізілді.

Бұл іс-шараның өткізілу мақсаты ҚР Қылмыстық-процессуалдық құқығы Ерекше бөлімі мен Криминалистика пәндері бойынша алған білім толықтыру, және де қолданыстағы Қазақстан Республикасының қылмыстық-процессуалдық заңнамасына деген құрмет сезімін тәрбиелеу.

Сайысымыздың тақырыбы «Із кезуші ғылымы» және ол ҚР ІІМ Ш.Қабылбаев атындағы Қостанай академиясына 45-жыл толуына арналып отыр. Сайысқа әр оқу тобынан 5 адамнан төрт команда қатысты. Сайыскерлердің жауабы мен білім деңгейін мына құрамдағы қазылар алқасы бағалады ҚІЖжК кафедрасының оқытушылары полиция капитаны Альжанов Д.М., полиция подполковнигі Бухметова Ж.С., полиция аға лейтенанты Галым А.М.

Сайыс 2 кезеңде өтті:бірінші кезеңде қатысушылар ҚР Қылмыстық-процессуалдық Кодексі Ерекше бөлімі бойынша бәрілген тапсырмаларды дұрыс және уақытылы шешіп кейін оларды қарсылас оппоненттерге ұсынуы қажет болатын, ал екінші кезеңде қатысушылар Криминалистика пәні бойынша берілген тапсырмаларға жауап беріп оларды шешуге тиісті криминалистикалық сызбалар мен үлгі макеттер ұсынуы қажет еді. Сайыстың қорытындысы капитандар сайысымен аяқталды.

Барлық курсанттар сайысқа белсене қатысты,өздерінің әр берген жауаптарын ҚР процессуалдық заңнамасы нормаларымен негіздей отырды. Екі кезеңнің қорытындысы бойынша бірдей нәтижемен және сайысқа қатысу белсенділігімен 302 және 303 оқу топтарының командалары үздік деп танылды. Жеке есепте капитандар арасында жеңіске 303 оқу тобының курсанты Қабай Манар жетті. Барлық қатысушылар мен жеңімпаздар кафедра ұжымының атынан грамотамен және бағалы сыйлықтармен марапатталды.

Академияның қылмыстық-іс жүргізу

және криминалистика кафедрасы