Астана - жаңа дәуірдің астанасы

1994 жылы 6 шілде күні ҚР Жоғарғы Кеңесі Қазақстан Президентінің республика астанасын Алматыдан Ақмола қаласына (қазіргі Астана) көшіру туралы ұсынысын қабылдау туралы шешім қабылдады. Сонымен бірге Ақмола 1997 жылы 10 желтоқсанда ресми түрде Қазақстан Республикасының астанасы болып жарияланды. Бұл мерекенің халық үшін маңызды тарихи-мәдени мәні бар және Қазақстан Республикасының жетістіктерінің символы болып табылады. Айтулы мереке қарсаңында Қостанай академиясы кітапханасының оқу залында «Астана – Жаңа дәуірдің астанасы» атты кітап көрмесі безендірілді. Көрмеде Қазақстан астанасының қалыптасу тарихы, Астана еліміздің әкімшілік және маңызды тарихи-мәдени орталығы туралы әдебиеттер ұсынылған.