«Конституция - Қазақстан Республикасының негізгі Заңы!»

Қазақстан Республикасының Конституция күнін мерекелеу қарсаңында жалпы заң пәндері кафедрасының аға оқытушылары полиция подполковнигі А.Бузаканова мен полиция майоры Г.Табулденова ІІМ Ш.Қабылбаев атындағы Қостанай академиясының алғашқы кәсіби даярлық курсының 9 және 8-взводтардың тыңдаушылары арасында «Конституция - Қазақстан Республикасының негізгі Заңы!» атты викторинасын өткізді.

Аталған іс-шараның мақсаты Конституцияның мәні мен мақсатын түсінуді дамыту, тыңдаушылардың патриоттық сезімдерін тәрбиелеу. Викторина зияткерлік ойын түрінде өтті. Викторина қорытындысы бойынша жүлделі орындар иеленген командалар грамоталармен марапатталды. Іс-шара барысында тыңдаушылар мемлекетіміздің айтулы оқиғаларының тарихы, Қазақстан Республикасының Гимні, Елтаңбасы мен Туы жөнінде жақсы білімдерін көрсетті.