Меморандумға қол қойылды

Бүгін Шырақбек Қабылбаев атындағы Қостанай академиясы мен М.Дулатов атындағы Қостанай инженерлік-экономикалық университеті арасында өзара ынтымақтастық туралы Меморандумға қол қойылды. Салтанатты іс-шара Қостанай академиясының бастығы полиция генерал-майоры Ақынқали Дәрменовтің құттықтау сөзімен басталды. Ол қос университет арасындағы серіктестік Қостанайда Ғылым қалашығын құрудың берік іргетасы болады деген сенім білдірді. Қойылған мақсаттарға қол жеткізу үшін, Қостанай академиясы құқықтық базаны, ал М.Дулатов атындағы Қостанай инженерлік-экономикалық университеті жобаны жоғары ғылыми-техникалық және қаржылық әлеуетпен қамтамасыз ететін техникалық базаны жабдықтауға дайын. Іс-шара аясында Академия қонақтары мұражайды, оқу полигондарын және басқа да аудиторияларды аралады.