Ант қабылдау – 2024

Бүгін Қостанай қаласының орталық алаңында Қазақстан Республикасы ІІМ Шырақбек Қабылбаев атындағы Қостанай академиясының бірінші курс курсанттарының Ант қабылдауға арналған салтанатты іс-шарасы өтті. Іс-шараға ҚР  Парламенті Мәжілісінің депутаттары, атқарушы билік өкілдері, құқық қорғау органдарының басшылары, Академияның ардагерлері және басқа да ресми  тұлғалар қатысты. Іс-шараның құрметті қонақтары 1-курс курсанттарына алғыс сөздерін арнады. Салтанатты іс-шара жас тәртіп сақшыларының бірлігі мен күш-қуатының символына айналған салтанатты маршпен аяқталды.