Қасым Сырбайұлы Мәуленовпен кездесу

ІІМ Қостанай академиясында заң ғылымдарының докторы, профессор, Қазақстандағы Ш.Уәлиханов атындағы ғылым саласындағы Мемлекеттік сыйлығының лауреаты Қасым Сырбайұлы Мәуленовтің қатысуымен мазмұнды дәрістер циклі өтті. Профессор Қасым Мәуленов курсанттармен кездесуде Қазақстан тарихындағы көрнекті тұлғалар, отандық әдебиет пен ғылым қайраткерлері, заңгерлік білім мен құқықтық ой-сананың дамуы, сондай-ақ спорт тарихының маңызды кезеңдері туралы ой бөлісті. Дәрістерде тарихи тұлғалардың өмірі мен ерлігі, олардың рухани мұрасы, еліміздің құқықтық жүйесінің қалыптасуына үлес қосқан заң ғылымының ірі өкілдері жайлы терең мағлұмат берілді. Дәріс соңында, Академия кітапханасында отставкадағы полиция полковнигі, заң ғылымдарының докторы, профессор Ғазиз Сырбайұлы Мәуленовтің кітаптарын тарту ету және арнайы бұрыштың ашылу рәсімі өтті. Бұл басылымдар кітапхана қорын толықтырды және өзін-өзі зерттеу мен ғылыми ізденістердің құнды көзі болды. Бұл іс-шара Академияның ғылыми-білім беру әлеуетін арттырып, кітапхана қорын сапалы әдебиеттермен толықтыруға зор үлес қосты. Академия басшылығы профессор Қасым Сырбайұлы Мәуленовке жас ұрпаққа көрсеткен рухани қолдауы, ғылым мен білімге қосқан үлесі үшін шынайы алғыс білдірді.