Бакалавриат
Қазақстан Республикасының Ішкі істер министрлігінің Шырақбек Қабылбаев атындағы Қостанай академиясы жоғары және жоғары оқу орнынан кейінгі білім берудің мемлекеттік жалпыға міндетті стандартына сәйкес күндізгі оқу түрі бойынша «Қоғамдық қауіпсіздік» бағыты бойынша келесі білім беру бағдарламалары бойынша мамандар даярлайды:
«6В12301 Құқық қорғау қызметі»: ішкі істер органдарының әкімшілік-құқықтық қызметі, қылмыстық-атқару қызметі;
«6В12305 Ішкі істер органдары қызметіндегі педагогика және психология»;
«6В12306 Киберқылмысқа қарсы іс-қимыл»;
екі дипломды білім беру бағдарламасы — «6В12306 Киберқылмысқа қарсы іс-қимыл» және «6В06118 Ақпараттық жүйелер».
Білім беру саласының коды және жіктелуі | Дайындау бағыттарының коды және жіктелуі | Білім беру бағдарламаларының атауы | Берілетін дәреже | Оқу мерзімі |
6B12 Ұлттық қауіпсіздік және әскери іс | 6В123 Қоғамдық қауіпсіздік | "6В12301 Құқық қорғау қызметі" | "6В12301 Құқық қорғау қызметі" білім беру бағдарламасы бойынша | 4 жыл |
6B12 Ұлттық қауіпсіздік және әскери іс | 6В123 Қоғамдық қауіпсіздік | "6В12305 Ішкі істер органдарының қызметіндегі педагогика және психология" | "6В12305 Ішкі істер органдарының қызметіндегі педагогика және психология" білім беру бағдарламасы бойынша | 4 жыл |
6B12 Ұлттық қауіпсіздік және әскери іс | 6В123 Қоғамдық қауіпсіздік | "6В12306 Киберқылмысқа қарсы іс-қимыл" | "6В12306 Киберқылмысқа қарсы іс-қимыл" білім беру бағдарламасы бойынша | 4 жыл |
ОҚЫТУДАҒЫ АРТЫҚШЫЛЫҚТАР:
- Мемлекеттік тапсырыс негізінде қабылдау және оқыту. Жайлы жабдықталған жатақханада тұру, стипендия алу, азық-түлікпен, заттай жабдықталыммен қамтамасыз ету, қалааралық автомобильмен (таксиден басқа), теміржол және су көлігімен демалыс кезеңінде тұрақты тұратын жерге және кері қайтуға жол жүру ақысы төленеді;
- Күндізгі оқу нысаны бойынша толық курсты аяқтағандар үшін оқу уақыты мерзімді әскери қызмет өткеруге теңестіріледі;
- Бөлуге сәйкес қызмет өткеру жолдамасымен түлектерді жұмысқа орналастыру;
- Оқу аяқталғаннан кейін түлектерге «Ұлттық қауіпсіздік және әскери іс» бакалавры біліктілігі берілген белгіленген үлгідегі диплом беріледі және Ішкі істер министрінің бұйрығымен «полиция лейтенанты» немесе «әділет лейтенанты» арнайы атағы беріледі.
ОҚУҒА ТҮСУ ТӘРТІБІ:
- Құқық қорғау органдарының білім беру ұйымдарына оқуға орта білімі бар он алты жасқа толған адамдар қабылдана алады.
- ҰБТ тұрғылықты жері бойынша азаматтық оқу орындарының базасында ағымдағы жылдың 16 мамыры мен 5 шілдесі аралығында өткізіледі.
- Талапкерлер ҰБТ тапсыру кезінде ҚР БҒМ 2017 жылғы 2 мамырдағы №204 бұйрығымен бекітілген ҰБТ өткізу қағидаларының 5-қосымшасына сәйкес кез келген вариацияда (шығармашылық емтиханнан басқа) екі бейіндік пәнді өз бетінше таңдай алады.
- Конкурсқа қатысу үшін ҰБТ бойынша 50 балдан кем емес оның ішінде әрбір бейіндік пән бойынша 5 балдан кем емес жинау қажет.
- Құжаттар қабылдау жылдың 15 шілдесіне дейін Қостанай академиясының сайтында (kpagov.kz) медициналық тексеруден өтуге жолдама алу және қажетті құжаттарды ресімдеу үшін «Бакалавриат» онлайн-қабылдау сілтемесі арқылы қабылданады.
Конкурсқа қатысу үшін ҰБТ-дан кемінде 50 балл жинау қажет.
Оқу бағыттары бойынша бейіндік пәндер:
- «Құқық қорғау қызметі», «Ішкі істер органдары қызметіндегі педагогика және психология», «Киберқылмысқа қарсы іс-қимыл» — талапкерлер ҰБТ тапсыру кезінде екі бейіндік пәнді өз қалауы бойынша (шығармашылық емтиханнан басқа) таңдай алады;
- екі дипломды жоғары білім беру бағдарламасы «Киберқылмысқа қарсы іс-қимыл» және «Ақпараттық жүйелер» бойынша (бейіндік пәндер: математика, информатика).
Медициналық куәландырудан, арнайы тексеруден және ҰБТ-дан сәтті өткеннен кейін оқуға кандидаттар Академияның оқу-дала лагеріне конкурсқа қатысу үшін ҰБТ қорытындысы бойынша сертификат балына сәйкес медициналық, дене шынықтыру және психофизиологиялық көрсеткіштер бойынша іріктеудің нәтижелерін ескере отырып шақырылады.
ІІМ арнаулы оқу орындарына кандидаттар үшін дене шынықтыру даярлығы жөніндегі нормативтер
Ұлдар үшін
| № | Тестердің атауы | Өте жақсы | Жақсы | Қанағаттанарлық |
|---|---|---|---|---|
| 1 | 100 метрге жүгіру (сек) | 14.0 | 14.5 | 15.0 |
| 2 | 1000 метрге жүгіру (мин/сек) | 3.40 | 3.50 | 4.0 |
| 3 | Тартылу (саны/рет) | 11 | 9 | 7 |
Қыздар үшін
| № | Тестердің атауы | Өте жақсы | Жақсы | Қанағаттанарлық |
|---|---|---|---|---|
| 1 | 100 метрге жүгіру (сек) | 16.0 | 16.5 | 17.0 |
| 2 | 1000 метрге жүгіру (мин/сек) | 4.40 | 5.0 | 5.20 |
| 3 | 1 минут ішінде арқаға жатып денені көтеру (саны/рет) | 35 | 30 | 25 |
Білім алушыларды оқудан шығарудың негіздері мен тәртібі:
Білім алушыларды оқудан шығарудың негіздері мен тәртібі Қазақстан Республикасының «Құқық қорғау қызметі туралы» 2011 жылғы 06 қаңтардағы Заңымен және «Қазақстан Республикасы Ішкі істер министрлігінің әскери арнаулы оқу орындарында білім алушылардың үлгеріміне ағымдағы бақылау, оларға аралық және қорытынды аттестаттау жүргізу қағидаларын бекіту туралы» Қазақстан Республикасы ІІМ-нің 13.01.2016 жылғы № 20 бұйрығымен регламенттеледі.
Құжаттардың тізімі
- Кандидаттың жеке куәлігі
- Әскери билет/әскери есепте жағдай белгісі бар саптық қызметке жарамдылығы көрсетілген тіркеу куәлігі және кейінге қалдыру себептері туралы анықтама
- ЖСН көрсете отырып жақын туыстарының жеке куәліктері (14 жастан бастап адамдарға туу туралы куәлік)
- Кандидаттың мекенжайлық анықтамасы
- Еңбек кітапшасы (бар болған жағдайда)
- Нотариат куәландырған білім туралы құжаттардың (орта, орта білімнен кейінгі) көшірмелері не «Білім алуды аяқтамаған адамдарға берілетін анықтама нысанын бекіту туралы» Қазақстан Республикасы Білім және ғылым министрінің 2009 жылғы 12 маусымдағы № 289 бұйрығымен бекітілген нысан бойынша білімін аяқтамаған адамдарға берілетін анықтама
- Кандидаттың туу туралы куәлігінің нотариалды куәландырылған көшірмесі
- Неке қию және некені бұзу, балалардың тууы туралы құжаттар
- Салық комитетінен декларацияны тапсыру туралы анықтама (жұбайына)
- Күні көрсетілген мөрмен расталған мінездемелер (қызметтік, оқу және т.б.)
- ҚР ІІМ-не жіберу туралы педагогикалық кеңестен үзінді көшірме (оқуға кандидаттар үшін)
- Фотосурет 9х12 = 1 сурет (іскерлік киім стилі, бас киімсіз)
- Өмірбаян (қолмен жазылған және компьютерде терілген)
- Сауалнама
- Зерттеуге және тексеруге келісім беру туралы өтініш
- Жеке іс қағазы
- Әскери қызмет өткеру туралы келісімшарт жасасуға заңды өкілдердің нотариалды куәландырылған келісімі (кәмелетке толмаған кандидаттар үшін)
- Жеңілдікті растайтын құжат
- ҰБТ сертификаты
ОҚУДЫ АЯҚТАҒАННАН КЕЙІН ТҮЛЕКТЕР КЕЛЕСІ ЛАУАЗЫМДАРҒА ТАҒАЙЫНДАЛАДЫ:
- полицияның учаскелік инспекторы;
- кәмелетке толмағандар істері жөніндегі полицияның учаскелік инспекторы;
- әкімшілік тәжірибе инспекторы;
- көші-қон қызметі тобының инспекторы;
- патрульдік полиция инспекторы;
- жедел басқару орталығының инспекторы;
- әйелдерді зорлық-зомбылықтан қорғау инспекторы;
- табиғатты қорғау полициясының инспекторы;
- азаматтық қару айналымын бақылау инспекторы;
- пробация қызметінің инспекторы;
- сотталғандар арасында тәрбиелік және әлеуметтік-психологиялық жұмыс жөніндегі бөлім отрядының бастығы;
- жедел бөлімнің жедел уәкілі;
- режимдік бөлімнің жедел уәкілі;
- мекеме бастығының кезекші көмекшісінің орынбасары;
- сотталғандардың еңбегін ұйымдастыру бөлімінің инспекторы;
- теологиялық және оңалту жұмысы инспекторы;
- арнайы есеп инспекторы;
- педагогика және психология кафедрасының оқытушысы;
- инспектор-психолог;
- инспектор-полиграфолог (қосымша дайындықтан кейін);
- киберқылмысқа қарсы іс-қимыл жөніндегі жедел уәкіл;
- инженер-бағдарламашы;
- ақпараттық-талдау бөлімшелерінің инспекторы.