Ғылыми мектеп — бір ұйым шеңберінде ортақ зерттеу тақырыбын біртұтас әдіснамалық және зерттеу тәсілдерімен зерттейтін әртүрлі ұрпақтағы ғалымдардан құралған ғылыми-педагогикалық ұжым. 

Ғылыми мектептің негізгі функциялары — зерттеу және білім беру. Бірінші функция ғылыми қауымдастықтың бірлескен зерттеу қызметіне және инновациялық өнім жасауға бағытталса, екіншісі — ғылыми кадрлар мен жоғары білікті мамандарды (PhD докторларын) даярлауға бағытталған.

Әдетте, ғылыми мектептің басында бірқатар ғылыми мәселелерді зерттеуде елеулі нәтижелерге қол жеткізген белгілі ғалым тұрады, ол оқушыларына зерттеу тақырыптары мен әдіснамасы бойынша біртұтастықты қамтамасыз етеді.

Осыған байланысты біз Қылмыстық құқық және криминология ғылыми мектебін құруды ұсынамыз.

Қазақстандық құқық ғылымына және қылмыстық құқық саласына қосқан еңбегі мен үлесін ескере отырып, академиядағы ғылыми мектепті басқаруға заң ғылымдарының докторы, профессор Айдаркан Байдекович Скаковтың кандидатурасын ұсыну ең қолайлы нұсқа болып табылады.

Айдаркан Байдекович Скаковтың ғылыми жетекшілігімен 6 кандидаттық диссертация сәтті қорғалған.

Айдаркан Байдековичтің шәкірттерінің қатарында Қостанай ІІМ академиясының орынбасары болған заң ғылымдарының кандидаты Сагинбек Курманбекович Қурманбеков, сондай-ақ Қазақстан Республикасы Ішкі істер министрлігінің кадр жұмысы департаментінің басшысы болған Хасан Хусаинович Валиев бар.

2024 жылы академия қызметкері, полиция подполковнигі 
А. Примкулова Айдаркан Байдековичтің шәкірті ретінде философия докторы (PhD) дәрежесін сәтті қорғап, тиісті ғылыми және білім саласындағы құзырлы органымен расталды.

Қазіргі уақытта академияның бірнеше қызметкері Айдаркан Скаковтың ғылыми жетекшілігімен докторлық диссертацияларын қорғауға дайындалып жатыр, бұл оның шәкірттерінің үлкен легінің қалыптасу тенденциясын көрсетеді, олар болашақта ұрпақ сабақтастығын, ғылыми зерттеу дәстүрлерін жалғастыруға және біздің оқу орнымыздың ғылыми мектебін құруға ықпал етеді.

Айдаркан Скаковтың ғылыми мектебінің ұжымы негізінен қылмыстық құқық және криминология кафедрасының базасында құрылуы тиіс.

Ғылыми мектептің жұмыс істеуінің міндетті шарты – құрамында жас (39 жасқа дейінгі) ғалымдардың болуы.

Ғылыми мектептің мақсаты – қылмыстық құқық және криминология теориясы мен практикасы үшін жаңа және өзекті ғылыми білім жасау, академияның ғылыми әлеуетін арттыру, ғылыми қауымдастықтағы ұрпақ сабақтастығын қамтамасыз ету, ғылыми-зерттеу жұмысты ынталандыру, ғылым мен білімнің интеграциясын одан әрі дамыту.

Ғылыми мектеп өз қызметін өзін-өзі басқару, ашықтық және ғылыми этика принциптері негізінде жүзеге асырады.

Біздің көзқарасымызша, ғылыми мектептің міндеттеріне мыналар жатады:

• Қылмыстық құқық және пенитенциарлық ғылымның өзекті мәселелері бойынша ғылыми-зерттеу жобаларын ұйымдастыру, соның ішінде гранттарға және басқа да ғылыми қорларға үміткерлерді дайындау;

• Ғылыми-теориялық тәжірибені жинақтап, оны білім беру және практикалық қызметке енгізу;

• Ғылыми мектептің бағыттары бойынша ғылыми конференциялар, «дөңгелек үстелдер» және басқа іс-шараларды ұйымдастыру;

• Ғылыми мектеп мүшелерінің шығармашылық қабілеттерін толық ашу үшін жағдай жасау, ғылыми жұмыс ұйымдастыруға, жаңа әдіснамалық тәсілдер мен ақпараттық білім беру технологияларын таратуға жәрдемдесу;

• Ғылыми-зерттеу жұмыстарына қатысу тиімділігін арттыру;

• Академиядағы ғылыми коммуникацияларды дамыту және ғылыми мектеп мүшелерінің (профессорлар, оқытушылар, ғалымдар, ғылыми қызметкерлер, магистранттар, докторанттар, студенттер) ғылыми-зерттеу саласындағы өзара әрекетін күшейту;

• Академияның ғылыми әлеуетін мониторингтеу, оның даму үрдістерін анықтап, қазіргі талаптарға сай болуын қамтамасыз ету;

• Академия мен сыртқы ұйымдардың ғылыми мектептің ғылыми-зерттеу қызметі нәтижелеріне және қаржылық қолдауға қажеттілігін бақылау.

Ғылыми мектептің негізгі бағыттары:

• Қылмыстық және қылмыстық-атқару заңнамасының теориялық және практикалық мәселелерін, соның ішінде сыбайлас жемқорлық қылмыстары үшін жауапкершілікті және жеке тұлға мен мүлікке қарсы қылмыстарды анықтау;

• Қылмыстық құқық саласындағы реформаларды ғылыми қамтамасыз ету және заңнаманы жетілдіру;

• Қазіргі қылмыстық саясаттың тенденцияларын зерттеу және оны оңтайландыру жолдарын ұсыну;

• Қылмыстың әлеуметтік-функционалдық заңдылықтары, оның себептері мен жағдайларын анықтау;

• Құқық бұзушылықтардың алдын алу процесін басқару заңдылықтарын зерттеу.

Қылмыстық құқық және криминология ғылыми мектебінде докторлық және магистрлік диссертациялар қорғалады.

Жалпы, ұсынылып отырған ғылыми мектептің қызметі қылмыстық құқық теориясына, сондай-ақ заң шығарушы және сот практикасына оң динамика береді деп санаймыз, бұл өз кезегінде ҚР Қылмыстық кодексі мен Қылмыстық-атқару кодексінің тұлға, қоғам, мемлекет, әлем және адамзат қауіпсіздігін қылмыстық әрекеттерден қорғау және олардың алдын алу саласындағы міндеттерін тиімді орындауына ықпал етеді.

Ғылыми мектептің жұмыс істеуі академияның ғылыми және ғылыми-зерттеу бағыттарының дамуының негізгі факторы болуы тиіс.