ҚР ІІМ Шырақбек Қабылбаев атындағы Қостанай академиясында жоғары заңгерлік емес білім беру базасында кәсіптік даярлау факультетінің қашықтықтан білім беру технологияларын қолдана отырып, қысқартылған оқу нысанының түлектеріне дипломдар салтанатты түрде табыс етілді. Іс-шара Қостанай академиясы бастығының міндетін атқарушы полиция полковнигі Ахан Нурушевтің құттықтау сөзімен басталды. Ол түлектерді айтулы оқиғамен құттықтап, табыс пен одан әрі мансаптық өсуді тіледі. Кәсіби кадрларды даярлауда атқарған жұмыстары үшін профессор-оқытушылар құрамына алғысын білдіріп, түлектерге “Ұлттық қауіпсіздік және әскери іс бакалавры” дәрежесін беру туралы дипломдарды табыс етті.