Қылмыстық-атқару құқығы кафедрасында "Қазіргі әлемдегі ақпараттық технологиялар" тақырыбында кафедралық конференция өтті. Іс-шараға "Құқық қорғау қызметі" мамандығының 106 және 107 -оқу топтарының 1-курс курсанттары: Алашбаев Т., Сейтхожина А., Кох К., Токарева В. және Аскербек М., сондай-ақ кафедраның профессорлық-оқытушылар құрамы қатысты. Курсанттар келесі тақырыптар бойынша баяндамалар ұсынды: "Құқық қорғау органдарының қызметінде ғылыми-техникалық құралдарды пайдалану", "Ақпараттық-анықтамалық жүйелер", "Автоматтандырылған оқыту жүйелері", "Ішкі істер органдарында мамандандырылған бағдарламалық қамтамасыз етуді пайдалану" және "Заманауи ақпараттық технологияларды дамыту және енгізу". Сөз сөйлеу қорытындысы бойынша кафедра мүшелері мен конференцияға қатысушылар құқық қорғау органдарының қызметінде ақпараттық технологияларды одан әрі жетілдіру, сондай-ақ білім беру процесіне ақпараттық-коммуникациялық технологияларды енгізудің тиімділігін арттыру жөніндегі шараларды іске асыру жөнінде пікір алмасты.