9 наурыз күні Қостанай академиясында аты аңызға айналған генерал Шырақбек Қабылбаев 116 жасқа толады. Академияның оқу залында кітапханашы Қаламқас Арғынғазина және алғашқы кәсіби даярлық курсының 7 топ тыңдаушыларының кураторы Гульнар Табулденова «Академия курсанттарының лирикасында аңызға айналған генералдың бейнесі» атты поэзия сағаты ұйымдастырылды. Шырақбек Қабылбаевтың сан қырлы өмірі мен шығармашылығы көрерменнің назарына поэтикалық-музыкалық тұсаукесерде ұсынылды. Академияның әр жылдары білім алған курсанттар генерал Қабылбаевтың бейнесін патриоттық және лирикалық өлеңдерінде Н.Амантай, Ә.Ахатов, Ж.Қапар, Н.Серік және т.б. тыңдаушылар оқыды. Оқу залында  Шырақбек Қабылбаевтың сүйікті қазақ ақындары:                     А.Құнанбаевтың, М.Мақатаевтың, Ғ.Қайырбековтің өлеңдеріне жазылған музыкалық шығармаларын Н.Оразай, Қ.Бөрібаев, Е.Бексеит атты  тыңдаушылар орындады. Көрермендер курсанттардың Ш.Қабылбаев атындағы Қостанай академиясына арнаған жүректен шыққан өлеңдерін қызығушылықпен қабылдады. Оқырмандар назарына генерал Ш.Қабылбаевтың өзі редактор болған «Синие шинели», «Особое назначение» атты кітаптары ұсынылды. Бұл дереккөздер қазақ полициясының қызметі туралы отандық тұңғыш шығармалар болып табылады. Іс-шара соңында «Тұғыры биік тұлға» көрмесіне шолу жасалды, сонымен қатар Ш.Қабылбаевтың отбасымен  сыйға тартқан Қостанай академиясының жеке кітапханасы  көрсетілді.