Ішкі істер министрінің орынбасары полиция генерал-майоры Айдар Сайтбеков Қазақстан Республикасы Ішкі істер министрлігі Ш.Қабылбаев атындағы Қостанай академиясының жаңа бастығын таныстырды. Қазақстан Республикасы Президентінің Әкімшілігінің келісімі бойынша министрдің бұйрығымен ІІМ Қостанай академиясының бастығы лауазымына полиция генерал-майоры заң ғылымдарының кандидаты Ақынқали Дәрменов тағайындалды. Ішкі істер органдарындағы қызметін 1999 жылы бастаған, әр жылдары ҚР ІІМ Кадр жұмысы департаментінің ведомстволық білім беруді ұйымдастыру басқармасын, ҚР ІІМ Оқу орталығын, ҚР ІІМ Кадр саясаты департаментін басқарды, соңғы 5 жылда Ақынқали Дәрменов ҚР ІІМ Б.Бейсенов атындағы Қарағанды академиясында басшылық етті.