Ғылым қызметкерлерінің күні қарсаңында Қостанай академиясының кітапханасы 103 және 107 оқу тобы курсанттарымен академияның ғылыми қоғамдастық өкілдерімен – заң ғылымдарының кандидаты, қылмыстық процесс және криминалистика кафедрасы бастығының орынбасары, полиция подполковнигі Е.Акимжановпен және жоғары оқу орнынан кейінгі білім беру факультетінің 1 курс магистранты С.Рахметқалимен кездесу ұйымдастырды. Кездесуге қатысушылар құқық қорғау органдарының қызметіндегі ғылымның рөлі мен маңызы, қоғамдағы криминологиялық сын-пікірлер мен қауіп-қатерлер туралы айтып берді. Қатысушылардың әрқайсысы курсанттарға ғылым саласына қалай қол жеткізгендерін айтып, ғылым жолы студенттік кезден басталатынын ерекше атап өтті. Курсанттармен өткізілген «12 сәуір - Ғылым қызметкерлерінің және космонавтика күні» атты тақырыптық викторинасы олардың білім деңгейін және эрудиция дәрежесін көрсетті. Оқу залында Қазақстанның ғылымын реттейтін НҚА, Қ.Сәтбаевтың өмірбаяны туралы материалдар, сондай-ақ ҚР ІІМ Ш.Қабылбаев атындағы Қостанай академиясы шығаратын ғылыми конференциялар жинақталған «Ғылым» журналы «Ғылым қызметкерлерінің күні» кітап көрмесінде рәсімделді.