Қазақстан Республикасының Мемлекеттік рәміздері күні қарсаңында Жастар сарайында облыстық патриоттар форумының жеңімпаздарын марапаттау рәсімі өтті. Салтанатты түрде іс-шараны Қостанай қаласының әкімі Марат Жүндібаев құттықтау сөзімен ашып, күрделі сәтте көмек қолын созғандардың барлығына алғыс білдірді. Патриоттар форумының жеңімпаздары қатарында Қостанай қаласы тұрғындарының атынан лайықты марапат Қазақстан Республикасы ІІМ Шырақбек Қабылбаев атындағы Қостанай академиясының ұжымына табысталды.