ІІМ Қостанай академиясында шахмат клубының салтанатты ашылуы өтті.

Оның ашылуына Академия басшылығы, оқытушылар және курсанттар қатысты. Шақырылған қонақтардың қатарында: Қостанай облыстық мәслихатының төрағасы Сайлаубек Ещанов, халықаралық гроссмейстер, ерлер арасындағы классикалық шахматтан ҚР төрт дүркін чемпионы Петр Костенко, «Қазақстан шахмат федерациясы» РҚБ Қостанай облысы бойынша филиалының атқарушы директоры Павел Русанов, ЧелМУ шахмат клубының басшысы Александр Калашников, шахмат федерациясының менеджері Асқар Мусаинов, сондай-ақ Академия ардагерлері болды. Академия бастығы полиция генерал-майоры Ақынқали Дәрменов құттықтау сөз сөйлеп, ІІМ қазіргі заманғы қызметкерлерін даярлауда зияткерлік дамудың маңыздылығын атап өтті. Клубта ойынды ойнауға  және үйренуге барлық жағдайлар жасалған: кең бөлме, ыңғайлы үстелдер, сапалы шахмат жиынтықтары және шахмат сағаттары. Тәжірибелі жаттықтырушылармен тұрақты сабақтар өткізу, түрлі деңгейдегі турнирлер ұйымдастыру, облыстық және қалалық шахмат жарыстарына қатысу жоспарлануда.