Академия курсанттарымен кездесу

ІІМ Қостанай академиясында Қостанай облысы бойынша Экономикалық тергеу департаменті қызметкерлерімен кездесу өтті. Іс-шара барысында Экономикалық тергеу департаментінің басшысы полиция подполковнигі Қайрат Жаппаев пен Ұйымдастыру-бақылау басқармасының аға жедел уәкілі Әсемгүл Балжакаева курсанттарға қаржы сауаттылығы бойынша республикалық диктантты өткізу тәртібі мен талаптарын түсіндірді. Мұндай іс-шаралар курсанттар мен қызметкерлердің қаржылық сауаттылығын арттырып, жеке қаржыны басқару мәдениетін қалыптастыруға, сондай-ақ экономикалық құқық бұзушылықтардың алдын алуға ықпал етеді. Кездесу соңында курсанттар ұсынылған ақпаратқа қызығушылық танытып, алдағы қаржы сауаттылығы диктантына белсене қатысуға ниет білдірді