«Аталар сөзі – ақылдың көзі»

 Ағымдағы жылдың қазан айында «Қостанай қаласы әкімдігінің мәдениет және тілдерді дамыту бөлімі» ММ «Аталар сөзі – ақылдың көзі» қалалық зияткерлік ойынын өткізді. Аталған іс-шараға Қазақстан Республикасы ІІМ Ш.Қабылбаев атындағы Қостанай академиясы кәсіби даярлық факультетінің 3 курс курсанты Аида Жанатбекті Академияның ақпараттық саясат бөлімшесінің инспекторы Орынбасар Уақпаева жан-жақты дайындады. Іс-шараға жалпы білім беретін мектептердің қазақ тілі мұғалімдері, қаламыздың жас ақындары, жоғары оқу орындарының студенттері, Қостанай қаласы  6697 ә/б сарбаздары да қатысты. Зияткерлік ойыны «Ұлылар сөзі», «Сөз тапқанға қолқа жоқ»,  «Ойтамызық» және «Көкпар» сияқты 4 кезеңнен тұрды. Әр кезеңде тілге байланысты шешендік нақыл қанатты сөздерді жатқа айту, шешендік сөз үлгісін құру, Төле би, Қазыбек би, Әйтеке би сынды шешендердің қанатты сөздерін бүгінгі заманмен байланыстырып ой қорытындысын жасау сияқты кезеңдерден өтті. Қортынды төртінші кезеңде қатысушылар өзара тілге байланысты мақал айтудан жарысты. Аталған кезеңдерден өзін жан-жақты белсене көрсетіп, білімін шыңдаған Академияның 3 курс курсанты Аида Жанатбек қазылар  - алқасының шешімімен грамота және ақшалай сыйақымен марапатталды.  Жеңісің құтты болсын!