«Ғылым әлемінде» атты зияткерлік викторина

Ш.Қабылбаев атындағы Қостанай академиясында Дүниежүзілік ғылым күніне орай «Ғылым әлемінде» атты зияткерлік викторина өтті. Іс-шара әртүрлі жоғары оқу орындарының оқытушылары мен ғылыми қызметкерлерін біріктіріп, ғылыми-зерттеу қызметіне қызығушылықты арттырып, кәсіби көкжиекті кеңейту мен ғылыми қауымдастықты нығайтуды мақсат етті. Қатысушылар өз білімдерін көрсетіп қана қоймай, достық бәсеке жағдайында тәжірибе алмасуға мүмкіндік алды. Викторина қорытындысы бойынша Қостанай академиясының «Жас ғалымдар» тобы жеңіске жетіп, бірінші орынды иеленді. Жеңімпаздар грамота және естелік сыйлықтармен марапатталды.