Академияның ақын-курсанттарының поэзиялық кеші

Қазақстан Республикасының Тәуелсіздік күні қарсаңында оқу залында «Жүректен шыққан махаббат - Ұла Дала Еліме» атты академияның ақын-курсанттарының поэзия кеші өтті. Досбол Смайлов, Альбина Төремұратқызы, Зарина Әлмағамбетова, Дениз Әлімбетова атты курсанттарымыз Отан және ел бостандығы мен егемендігінің жолында  өмір сүрген халық батырлары туралы, азаматтардың тәуелсіздігі мен әл-ауқатын қорғайтын полиция қызметкерлері мен әскерилер туралы авторлық өлеңдерін шын жүректен және терең сезiммен шырқалды.

‎  Алғашқы кәсiптiк даярлау  курстарының тыңдаушылары Әділжан Қасымжанов пен Болат Дархан Қостанай және Қазақстан Республикасы ІІМ Ш.Қабылбаев атындағы Қостанай академиясы туралы өлеңдерімен мерекелік  кешті жалғастырды.

‎  Кештің бағдарламасында Тәуелсіздіктің маңыздылығын жеткізетін және барлығын ортақ ұлттық идеяларға біріктіретін “Желтоқсан желі”, “Мен қазақпын” және т.б.  музыкалық шығармалар орындалды.