Педагогикалық шеберлік

ҚР ІІМ Ш.Қабылбаев атындағы Қостанай академиясының педагогика және психология кафедрасының ұйымдастыруымен «Педагогикалық шеберлік» пәні аясында 1-курс магистранттарымен шешендік сөзді дамыту бойынша дәстүрге айналған  сабақ өткізді. Қостанай академиясының педагогика жыне психология кафедрасының аға оқытушысы Алмат Оразов былтырғы оқу жылы барысында облыстық «QOSTANAI» ТРК танымал тележүргізушісі Ақбота Дүйсенбаймен алғашқы сабақ өткізген еді. Былайша айтқанда, білім алушылар сабақта нағыз журналистің сұхбат алып отырғандығын білмейді. Бұл тәжірибе оларға көпшілік алдында сөйлеу кезінде тұла бойын, дауыстарын және бет әлпетін басқарудың, көрермендердің назарын аударудың қаншалықты маңызды екенін жақсы түсінуге мүмкіндік береді. Сабақ соңында барлық қатысушылар сарапшылардан кері байланыс алып, өздерінің мықты жақтары мен әлі де пысықтауға тұрарлық аспектілері туралы білді.