11-март, 2024-жылы Алматы шаарында Борбордук Азияда баңгизаттардын таралышынын алдын алуу боюнча 7-программанын эгидасы астында уюштурулган "терапевттик программа жана түрмө протоколу" темасында тегерек стол болуп өттү.  Анын ишине ИИБ кафедрасынын улук окутуучусу, милициянын подполковниги Анара Уалиева катышты. Бул иш-чарада Акцепт уюмунун (Германия) эксперттери катаржина Кинг Ковальчик айым жана Улла Папа айым жарандык коомдун баңгизатка көз карандылар менен иштөөдөгү Европалык тажрыйбасы жөнүндө маалымат беришти. Ошондой эле жарандык коом менен өнөктөштүктү өнүктүрүү мүмкүнчүлүгү, пенитенциардык мекемелерде кармалгандардын укугун сактоо маселеси талкууланды. Иш-чаранын аягында тегерек столдун катышуучулары калктын аярлуу катмары менен тажрыйба алмашышты, ошондой эле баңги заттарга көз каранды адамдар менен өз ара аракеттенүү жана ишти өнүктүрүү боюнча бир катар иш-чаралар сунушталды.